وش حيلتي يا عبد الله في هاجس الليل
لانام منهو من غثى البال خالي
ياما شربت من المغثه فناجيل
وياما سهرت من المغثه ليالي
تلطم هواجيس الحشى كنها السيل
وان طال هجر الزين ياويل حالي
بيني وبين الزين مايجدع الحيل
مهالكن تجدع صعول الرجالي
الزول ماتدنيه شهب الدرابيل
وان طال هجر الزين واعزتالي
ياعزوتي ياما بقلبي من الويل
وعزي لمن مثلي فقد شوف غالي
ام العيون الساحرات المظاليل
عين العنود اللي تروم المفالي
ماطيع فيها هرجة القال والقيل
مادام سوره داخل القلب عالي
ان مافزع لي متعبين المعاميل
والا رثيت الحال ياهملالي
الرئيسية 
التسجيل 
دخول 
الإثنين أبريل 23, 2007 11:31 am
