سافرت مع همي وعذابى وبلواي
سافرت لجل انسى جروح الحبايب
بفارق الدنيا ابي غير دنياي
ماعيش في دنيا الغدر والعجايب
وشلك تبيني اليوم والعام نساي
وشلك تجيني وانت كل السبايب
عرفت قدري ياعيوني ومعناي
وعرفت اني ماأخونك وصايب
هذاك اول تطرد الهم لرضاي
وتسعد خفوقي طيب ولا نشايب
نسيت دمعي والكرامه ورجواي
وانت بغرورك تدعي القلب طايب
شكيتلك جرحي وتناسيت شكواي
والمشكله اني فيك مغرم وذايب
غلطه وحسبتك تهتويني وملفاي
واثرك على قلبي تزيد المصايب
خليتني حاير اهوجس في ممشاي
تايه مابين الناس مهذري وشايب
كني اشوفك في يساري ويمناي
وحتى خيالك لي لمحته طلايب
عودتني بدنياك لاحس ولاراي
واكبر دليل اليوم ادفع ضرايب
الرئيسية 
التسجيل 
دخول 
الثلاثاء أبريل 24, 2007 5:59 pm