روحي فمان الله لا تطريـن عـذر ولا اعتـذار المقفيـه ؟ نقفـل علاقتنـا بوجـه اعـذارهـا
مافيه داعي نفتـح الموضـوع ونعيـد الحـوار قصه وراحت وانتهـت معهـا جميـع اسرارهـا
ماعاد لك في قلبـي المجـروح قـدر ولا وقـار بعتـك لعشّـاق النجـوم الساهـره وسهّـارهـا
النفس طابت .. والفجاج وساع .. والديره خضار فـي ديـرة كـل الرجـال الطيبـه تختـارهـا
يمديـك يومنـي قضيـت الوقـت كلـه انتظـار والليل ما يحسـب حسـاب لدمعتـي ومقدارهـا
مكسور خاطر .. والتفتلك يا يميـن ويـا يسـار مع كـل هبّـه مـن ذعاذيـع الشمـال ودارهـا
ويمديك يومـن الوصـل منـوه وآمالـي كبـار حتى تهـاوت فـي حشـاي كبارهـا وصغارهـا
آتوجـد والوجـود احيـان يشبـه الانكـسـار خص ٍ على مـن لا يحشـم المعرفـه ووقارهـا
والله يارجـل يقلـل قيمـتـه .. اكـبـر (....) ومحشوم من فيه المشاعـر سطـرت اشعارهـا
الصاحب اللي لا طري عنـدي ركبـت الVXR في ليلـة ٍ تسبـق عيـون خيارهـا اشرارهـا
من غير لا احميّه واظبط فيـه عجـلات واطـار واقـصّ لـه كـل الـدروب وعارهـا وقفارهـا
عاشق ويدفعني جنونك يالهـوى والشـوق نـار احّر مـن نـار الفـراق وصدمتـه واضرارهـا
واليا وصلت الديره اللي غير عـن كـل الديـار في ناسها في جوّهـا فـي ارضهـا واشجارهـا
اقول يا وجدي على ذيـك الليالـي ويـا عمـار ايام مـا كـان الهـوى قريـه وانـا مختارهـا
وايام مـا كنـا نخـاف الليـل ونحـب النهـار نرتع ونلعب مـع فراشـات الشجـر وازهارهـا
يا اقدم محبه في وسـط قلبـي اليـن الازدهـار للحين فـي بالـي بقايـا (همستـك) واوتارهـا
وللحينك اجمل في عيوني مـن ملاييـن المهـار اللـي عسفناهـا بشـرد اشعارنـا وافكـارهـا
وللحين ذكرك من قوافي الشعر وعيونـك بحـار اغـوص فيهـا واتحـداهـا مـعـا شعّـارهـا
مالله خلق لي قلب يصبر عنّس وايامـي قصـار بعيش فيها وانعشـق فيهـا واعيـش ادوارهـا
بعـدك ولا وصـل الوجيـه الجافيـه والانتثـار فـي بعدهـا جعـل الليالـي القاسيـه تختارهـا
اللي تركتني بيـن ضيقـات الجفـا والانكسـار قولولهـا تقصـر تأسفهـا مـعـا مشـوارهـا
ما عاد نبغـى لا اسـف ولا عـذر وبختصـار المقفيـه ؟ نقفـل علاقتنـا بوجـه اعـذارهـا