::: أندماج الأرواح :::

وشلون ماادري كيف روحين في روح
ماكنت أصـدق بإندمـاج الاأرواح
معقولة حد يمشـي ويـن مـااروح
معقولة انا امشي معه ويـن مـاراح
أول أحس بأن الغلا ضحك ومزوح
سمرة سوالف بين مركـى ومسبـاح
أثر الغلا في الوقت أحاسيس وجروح
لوعت مشاعر بين ذابـح وذبـاح
مايعرف الرحمة ولا يستـر البـوح
عزي لمن مثلي على جرحهـا طـاح
ادري خطأ منـي ولانـي مسمـوح
اشك في روحي وانا فيـك مرتـاح
بس اعذريني عاشقك فيك مذبـوح
بين الرجاء والياس ضيعت الافـراح
احلام وامال ومواعيـد وطمـوح
يمكن مدى صبري متى ليـه مفتـاح
والحين اقول بصدق روحين في روح
صدقت والله بإندماجك يـالاوراح