بقايا غرام
اغليك ياشمعة الخفاق وسراجه
محبتا لك ولا غيرك لها معني
ماني بتايه ولاني مضيعا حاجه
لاشك بقايا غرام لك وتدفعني
اجيك كلي امل بك يوم نتواجه
تهدي جماح الكفا لحظه وتسمعني
الرجل ماهي على العربان دواجه
ونفسي لغيرك تعرضني وتمنعني
يامن سهوم المنايا باسفل حجاجه
والليا تبسم دلع خطرا يضيعني
شف نارك بعدك وسط الروح وهاجه
ماغيرك احدا بعد ربك بينفعني
نفسيت ترا لشوفتك بالحيل محتاجه
بالله غير مسارك لاتودعني