ياللي سالتي با الخفاء كيف حالـي ؟
لا يا بعد حيـي ومـن لـي وميتـي
ما يسال الا شخص با الحيـل غالـي
وانتي علـى بعـد المسافـه وفيتـي
ما في غلاك اليـوم شـك وجدالـي
افهم شعورك لـو بعـد مـا حكيتـي
ما فيه احد غيـرك يزيـد اشتعالـي
ولا انساك حتى يا الغلى لـو نسيتـي
لو ما نويتي يـا الحبيبـه وصالـي
محد(ن) عطاني نصف حب(ن) عطيتي
لاشفتـك بحلمـي بلغـت العـلالـي
با اسباب حبـك لازم يذيـع صيتـي
عنـدي تعديتـي حـدود الخيـالـي
با اخلاقك الحلـوه بعينـي سميتـي
دامـه يهمـك يـا الحبيبـه دلالـي
ما فيه غيـرك وسـط قلبـي يبيتـي
امشي لجل عينـك يميـن وشمالـي
انفـذ امـرك آمـري وش بغيـتـي
بس ارفقي بي وارحمي يـا حلالـي
تـري هناتـي تكتمـل لاهتنيـتـي
لا لمست ايدك للبحـر صـار حالـي
ينبت زهر في كـل دربـن وطيتـي
الشمـس لعيونـك تكـون ظـلالـي
والبـدر يتبـع سكتـك لاسريـتـي
والـورد لانمتـي يصيبـه ذبـالـي
يفوح ريحـه بـس لامـن صحيتـي
يا شاغله فكـري وعمـري وبالـي
تذكريـنـي ياغـلـى لانسـيـتـي
اطيـر لا قالـوا سالتـي سـوالـي
وشلون لو زانـت ظروفـك وجيتـي
الرئيسية 
التسجيل 
دخول 
الإثنين مايو 07, 2007 7:26 pm