منتديات شباب الحاره

لكل عراقي اصيل
 
الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  الأعضاءالأعضاء  المجموعاتالمجموعات  دخولدخول  

شاطر | 
 

 قصيدة رووووعه

اذهب الى الأسفل 
كاتب الموضوعرسالة
ابو عبدالله
عضو مشارك
avatar

عدد الرسائل : 89
تاريخ التسجيل : 22/04/2007

مُساهمةموضوع: قصيدة رووووعه   الثلاثاء مايو 01, 2007 8:56 am

تعال وشوف يامظفر
الى الاساذ والشاعر الكبير…..
مظفر النواب.
تعال وشوف يا مظفر
تعب جف العراق و للصبح يسهر
تعال وشوف يا مظفر
العطش بالكاع من سنين ومحدللبحر يكدر
تعال وشوف با مظفر
جسر وحدي بنيتة انهار
وهسة انة علة المعبر
اذاروجة قوية تحدة ودك بيه
كلة بساع يدمر
تعال وشوف يا مظفر
أجوا مناك من امريكا علكويت
وكالو عود نتحرر
من صدام اذا تحجي وتكول العدلتتكسر
ومن صدام اطبك علة صفحة وكلش تكتر
وزمن صدام نفذ ثم ناقش لاتكول شلون
وياول مو هسة تتفسر
تعال وشوف يامظفر
حرب ايران صارت حرب بلتسعين
واحنة بهلعمر نقهر
وميخالف رضينة وحرب بوش انوب
انكتبت علينة انفوز لو نخسر
والاه من خسرنة ودخل مستر بوش
شفنة الضيم منة وهم بعد اكثر
اذا صدام يكتل بلشهر عشرة
هسة العدد صار بكيفك مخير
كضينة من الكتل والشعب بس نسوان
وامركا تبوك وخيرنة مطشر
تعال وشوف يامظفر
عراقي ايريد حرية كتل تسليب
وهو بكيفة يتبطر لا قانون
ولااحكام وكلشي ايريدة يزور
وطفلنة تعود من انجيبلة اللعبات
كون سلاح بيهن حتى يتحضر
واذا هجي طفلنة من الزغر معروف
ادري شلون من يكبر
تعال وشوف يا مظفر
يا محلة النصر وبعون الامريكان
مانكدر نطيح طاغية تكبر
وشمس يومية تطلع واحنة بردانين
ونلبس بلهدوم الواقية من الحر
تعال وشوف يا مظفر
طلع عدنة الوطن جذبة ومجرد كاع
ماكو احساس بينة ودجلة ما غزر
تعال وشوف يا مظفر
الوطن عل حجة واكف باقل يطيح
وكلش عادي عدنة ونطلع ونفتر
تعال وشوف يا مظفر
ترى كلش تعبنة ومات بينة الحيل
وبعدة الحال بعدة ويمتة نتغير
تمنيت الوطن اجمل قصيدة ايصير
واكتبهة الك واهديهة بلعنبر
وتمنيت الوطن بدلة عرس وافراح
مو اسود كلب ما يعرف الا الشر
تعال وشوف يا مظفر
الجرح يمكن يطيب وتمسحة الايام
الجرح لازم يطيب وتمسحة الايام
بس جرح العراق شلون يتخثر
كبل نحجي شعر بس اللسان انباك
هسة اللسان عدنة بس حجي مكسر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة رووووعه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شباب الحاره :: الـمـنـتـديـات الأدبـيـه :: منتدى الشعر الشعبي-
انتقل الى: